Kōrero: Te orokohanga mai o te ao

Te kōrero a Ngāti Porou mō te orokohanga

Te kōrero a Ngāti Porou mō te orokohanga

He whakairo tēnei o te atua a Tāne, kei roto i te wharenui o Te Tumu Herenga Waka, kei Te Whare Wānanga o Wikitōria ki Te Whanganui-a-Tara. He maha ngā mahi i taea e Tāne, tae atu ki te wehenga a Papatūānuku rāua ko Ranginui. E whai ake nei ko ngā whakamārama a Ngāti Porou mō te kōrero nei, nā Mohi Ruatapu i whakatakoto:

Ko Tānenui-a-Rangi, nāna i toko te rangi kia rewa ki runga. He mea kōrero e ia ki tōna pāpā, ‘E koro e, me wehe koe ki runga, kia mārama ai te tiro iho i a mātou’. Whakaae ana ia; ka mea tō rātou pāpā, ‘Me pare aku waewae ki runga, ko taku māhuna ki raro’. Ka mea ia, ‘Ki te wehea pea au ki runga, e kore e mārama i a au’. Ka mea a Tāne ki a ia, ‘Māku e hoatu he tohu ki a koe’. Kātahi ka tokona e rātou … Ehara, kua wehe tō rātou pāpā ki runga. Ka mea ōna tuakana ki a Tāne, ‘Hua noa, ī, e wehea ai tō tatou pāpā, e mārama tātou te tiro ake ki a ia’. Kātahi ka mau a Tāne ki te rahu – ko te rahu nei ko Te Ika-o-te-rangi; ngā kai o roto, ko ngā whetū. Ka makaia ki te rangi, ka makaia anō ko te rā, ko te marama. Kātahi ka mārama, kātahi anō rātou ka kite i ō rātou āhua, i te āhua hoki o ō rātou mātua.

Using this item

Te Tumu Herenga Waka Marae, Victoria University of Wellington

All rights to images of this marae are held by Te Tumu Herenga Waka Marae, Victoria University of Wellington

All images & media in this story

Me pēnei te tohu i te whārangi:

Te Ahukaramū Charles Royal, 'Te orokohanga mai o te ao - Te rerekē o ngā kōrero mō te orokohanga', Te Ara - the Encyclopedia of New Zealand, http://www.TeAra.govt.nz/mi/artwork/2434/te-korero-a-ngati-porou-mo-te-orokohanga (accessed 24 September 2019)

Story by Te Ahukaramū Charles Royal, published 8 Feb 2005