Kōrero: Te Haahi Rātana

T. W. Rātana

T. W. Rātana

He whakaahua tēnei o T. W. Rātana nā Paula Novak i tā. Kei mua i a ia ko tētahi hereniama, ko tētahi Paipera me te Tiriti o Waitangi. E tohu ana te hereniama i tētahi putiputi nāna i tango i tana māra kia whakatō ki te Pāremata, arā ki te Whare Mīere. I mea a Rātana, tērā te wā ka huhuti ake ia i tētahi putiputi, ā, ko tana puehu ka pūhia ki ngā hau e whā, ka mutu he tohu mō ngā tūru Māori tokowhā ka riro i a Rātana ā tana wā.

E tohu ana te Paipera me te Tiriti i te kōrero a Rātana, arā, ko te Paipera ki tana ringa māui, me te tiriti ki tana ringa matau. He tohu tēnei ki tana arotahi ki ngā taha wairua, tōrangapū hoki. Kei tana pakihiwi matau ko te Temepara o Rātana, ā, kei runga ake ko te Whetū Mārama. E tohu ana te tae kahurangi ki te Matua, ko te tae mā ki te Tama, ā ko te tae whero ki te Wairua Tapu, me te waiporoporo mō ngā Anahera Pono. E tū ana a Taranaki kei runga ake o te pakihiwi mauī o Rātana, ā, kei raro iho ko te wairere o Te Rere o Kāpuni. 

Te whakamahi i tēnei tūemi

Paula Novak Extraordinary Art
Artwork by Paula Novak

This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Keith Newman, 'Te Haahi Rātana - Te pūaotanga o Te Haahi Rātana', Te Ara - the Encyclopedia of New Zealand, http://www.TeAra.govt.nz/mi/artwork/26295/t-w-ratana (accessed 18 November 2019)

He kōrero nā Keith Newman, i tāngia i te 5 May 2011, reviewed & revised 4 Apr 2018