Kōrero: Ngā karakia a te Māori

Matakite

Matakite

He whakaahua tēnei o te matakite a te hoia o Te Arawa a Metara i pā mai ki a ia i ngā pakanga whenua o Niu Tireni i te tau 1869. I roto i tana moemoeā e hīkoi ana ia i tātahi mai i tōna kāinga i Maketū. Ka pae mai ki uta tētahi ika hāpuku nui he kanohi tangata kē tōna, ka mutu nō Metara taua kanohi. Ki a ia he tohu tēnei ka mate ia ki te pakanga i te rangi o muri mai. Ka hua a Metara, 'He tohu aituā tēnei, kua tukua mai e ngā atua he tohu mai i te wā kāinga. Ko au te mata-ika. Āpōpō ko au te ika i te ati.' (Māui Pōmare rāua ko James Cowan, Legends of the Maori. Ākarana: Southern Reprints, 1987 (tānga tuatahi 1930), wh. 169). Ko te mata-ika te tangata tuatahi kia patua i roto i te pakanga, ā, ko te mata hoki o te ika. Ko te meatanga tērā o tana kāpene ki a Kāpara Metara me takamuri, ā kia kaua e takamua ki te tira toro. Hāunga tērā ka haukotia te puku o te tauā ā ko Metara te tangata tuatahi ka pūhia. Heoi anō ka ora tonu ia. I tōna hokinga ki te wā kāinga ka whāki ia i tana matakite ki tana iwi ka whakahoki rātou, 'He matakite! He atua rā!'

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Basil Keane, 'Ngā karakia a te Māori - Tohunga', Te Ara - the Encyclopedia of New Zealand, http://www.TeAra.govt.nz/mi/artwork/30785/matakite (accessed 26 October 2021)

He kōrero nā Basil Keane, i tāngia i te 5 May 2011