Kōrero: Hōkakatanga

He take māmā te ai i wherawhera noatia i ngā kōrero me ngā whakairo o te ao Māori tūturu. Ka panoni tēnei i te taunga mai o te Pākehā me ngā waiaro Wikitōriana ki Aotearoa. Kātahi ka tītīnihia ngā waiata me ngā kōrero. I ēnei rā kua tuwhera anō te kaupapa hokakatanga hei wāhanga nō te oranga.

Story by Clive Aspin
Te āhua nui: He hōia e moe ana me tētahi wahine Māori

Story Summary

Ngā whakaahua

Te hōkakatanga i te ao Māori taketake

He take kōrerorero noa te mahi ai i te ao Māori. He nui ngā kōrero me ngā waiata e pā ai ki te ai me te aroha, tae atu ki ērā e pā ana ki te moe o te hunga takatāpui.

Hai ngā whakairo kitea ai te ure tāne me te tara wahine tae atu ki te mahi onioni.

Te hōkakatanga o mua

I te taenga mai o Tauiwi ka kite rātou i te rerekē o te whakaaro a te Māori ki tēnei mea te ai. Arā, he maha ngā hoa wāhine o te rangatira Māori, ā, ka ai noa atu i mua i te moe taumau. Tērā ngā rangahau ō nāianei he mea whakaae te moe takatāpui.

Ngā aweawe whakatauiwi

Nō te taunga mai o te whakaaro Pākehā ka panoni ngā whanonga e pā ana ki te ai. He rite tonu te wā ka tapahia ngā ure i ngā whakairo, ā, ka tangohia rānei ngā wāhanga ai i roto i ngā kōrero tuku iho.

Te hōkakatanga ō mohoa

I ēnei rā e tūngou ana te iwi Māori me te hapori nui tonu ki te āhua kanorau o te hōkakatanga. I te tau ruamano ka whakahaere te Tūmahi Hōkakatanga Māori o te Whare Wānanga o Tāmaki-makaurau i tētahi rangahau mō ngā whanonga ai i waenga i te Māori. Ka mutu he nui te hunga takatāpui wahine mai tāne mai kua kapo ake i te kupu takatāpui hei whakamahukitanga mō rātou anō i roto i te ao Māori, me te ao whānui.

Me pēnei te tohu i te whārangi:

Clive Aspin, 'Hōkakatanga', Te Ara - the Encyclopedia of New Zealand, http://www.TeAra.govt.nz/mi/hokakatanga (accessed 17 June 2019)

Story by Clive Aspin, published 5 May 2011, reviewed & revised 22 Jan 2019