Kōrero: Te iwi Māori me te Whakaata

Ko Pukemanu, i te tau 1971

Ko Pukemanu tētahi o ngā whakaari tuatahi i puta i te Kaporeihana Pāho o Aotearoa. I pā te raupapa hōtaka ki tētahi taone mira rākau i Te Ika-a-Māui. Ka aronui te hōtaka ki te iwiruatanga, ā, he Māori, he Pākehā ngā kaiwhakaari matua e whakakōrero ana i ngā take whai pānga ki te hapori iwirua. He paku hoki te reo Māori i te hōtaka. I roto i tēnei wāhanga o te hōtaka, ka kōrerotia te mahere a tētahi kamupene kia whakapahū i te wāhi tapu kia wātea ai mō tētahi rori, i roto i te pāparakāuta. Ko Charlie Rata (ko Ernie Leonard tonu) te kaikōrero tuatahi. Kāti i hua ake tēnei wāhanga o Pukemanu, (e kīia ana ko Charlie’s Rock) i ngā whakawhiti kōrero a Leonard me Hamish Keith (te kaituhi o te hōtaka) e pā ana ki ngā taukumekume i waenga i ngā ao e rua. He ihumanea a Leonard, inā rā he kaiwhakaari, he kaipānui pārongo, he kaiwhakangahau, he kaiwhakataki, he ringa tohu, he kaihautū, he kaihautū matua hoki ia. I te pokapū o te tekau tau 1980 ka tū ia hei ūpoko mō te wāhanga Māori o Te Reo Tātaki. 

Te whakamahi i tēnei tūemi

TVNZ Television New Zealand

This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Tainui Stephens, 'Te iwi Māori me te Whakaata - Ngā tau tōmua, tekau tau 1960 me 1970', Te Ara - the Encyclopedia of New Zealand, http://www.TeAra.govt.nz/mi/video/44605/ko-pukemanu-i-te-tau-1971 (accessed 29 September 2021)

He kōrero nā Tainui Stephens, i tāngia i te 22 Oct 2014